कोटा निर्धारण नहुँदा भएन धान बिक्री, किसानलाई मर्का – Satyapati

कोटा निर्धारण नहुँदा भएन धान बिक्री, किसानलाई मर्का – Satyapati

अर्थतन्त्र

Sharing is caring!

बाँकेका किसानले उत्पादन गरेको धान सरकारले खरिद नगर्दा किसान मर्कामा परेका छन् । नेपालगन्जस्थित खाद्य व्यवस्था तथा व्यापार कम्पनी लिमिटेडले बर्सेनि धान खरिद गरे पनि यसपटक धान खरिद सुरु नगर्दा किसान मर्कामा परेका हुन् ।

सरकारले यस वर्ष मोटा धानको समर्थन मूल्य रु दुई हजार ९६७ तोकेको छ । तर कम्पनीले धान खरिद नगर्दा किसानले व्यापारीलाई रु दुई हजार ४०४ मा बिक्री गरिरहेको डुडुवा कम्तीका किसान हरिराम यादव बताए । रकर अभावका कारण सस्तोमा धान बिक्री गर्नुपरेको उनको भनाइ छ ।

खजुरा–३ का किसान रमेश थापा पनि हिउँदे बाली गहुँ लगाउने बेला भएकाले बीउ र मलखाद खरिद गर्न पैसा नहुँदा बाध्य भएर व्यापारीलाई सस्तोमा धान बिक्री गर्नुपरेको बताउँछन् । सरकारले तोकेभन्दा प्रतिक्विन्टल रु ५०० भन्दा कममा व्यापारीले धान खरिद गरिरहेको उनको भनाइ छ ।

नेपालगन्ज, खजुरा र कोहलपुरका व्यापारीले मोटो धानको प्रतिक्विन्टल रु दुई हजार ४०० भन्दा बढी मूल्य दिन नमानेपछि अधिकांश किसानले बाध्य भएर सस्तोमा बिक्री गरिरहेका छन् । धान खरिदका लागि मूल्य तोकिए पनि बाँकेबाट कति धान खरिद गर्ने भन्ने कोटा निर्धारण नहुँदा धान खरिद हुन सकेको छैन ।

उक्त कम्पनीका नेपालगन्ज शाखा प्रमुख रामशरण लामिछानेले धान खरिदका लागि छलफल चलिरहेको भन्दै उहाँले प्रधान कार्यालयबाट अनुमति पाएपछि खरिद सुरु गरिने बताए । यस वर्ष बाँकेमा एक लाख ४९ हजार १०२ मेट्रिक टन धान उत्पादन भएको छ ।

Leave a Reply

Your email address will not be published. Required fields are marked *