८ वर्षीया बालिकाद्धारा मोदीको सम्मान अस्विकार

८ वर्षीया बालिकाद्धारा मोदीको सम्मान अस्विकार

शिक्षा

Sharing is caring!

काठमाडाैं, २६ फागुन ।  भारतमा एक बालिकाले प्रधानमन्त्री नदेन्द्र मोदीले दिएको सम्मान अस्विकार गरेकी छिन् । भारतमा पर्यावरण सम्बन्धित अभियानमा सक्रिय रहेकी आठ वर्षीया बालिका लिसिप्रिया कञ्गुजमले प्रधानमन्त्री नरेन्द्र मोदीले दिएको प्रस्ताव अस्विकार गरेपछि चर्चामा आएकी हुन् ।

लिसिप्रियाले ट्वीट गरेर प्रेरणादायी महिलामा आफूलाई राखेकोमा प्रधानमन्त्री मोदीलाई धन्यवाद दिदै धेरैपटक सोचेपछि सम्मान अस्वीकार गर्ने निर्णय गरेको बताएकी बीबीसीले जनाएको छ ।

उनी सन् २०१९ मा अन्तर्राष्ट्रिय शान्ति बाल पुरस्कारबाट सम्मानित भएकी थिइन । भारत सरकारले अन्तर्राष्ट्रिय महिला दिवसको अवसरमा विभिन्न क्षेत्रमा क्रियाशील महिलालाई सम्मान गर्ने क्रममा लिसिप्रियालाई पनि मनोनयन गरेको थियो ।

बालिकाले आफ्नो प्रशंसा र सम्मानको सट्टा संसदमा आफ्ना मागबारे छलफल गर्न आग्रह गरेकी छिन । उनले प्रधानमन्त्री मोदी र सांसदसँग जलवायु परिवर्तनसँग सम्बन्धित कानुन बनाउन माग गरिरहेकी हुन ।

Leave a Reply

Your email address will not be published. Required fields are marked *