प्रदीप भट्टराईले रोजे अञ्जनाको दरिलो साथ, हुने भए एकसाथ ?

प्रदीप भट्टराईले रोजे अञ्जनाको दरिलो साथ, हुने भए एकसाथ ?

मनोरञ्जन

Sharing is caring!

कस्तो फिल्म राम्रो र सफल हुन्छ ? यसको जवाफ एउटै हो, ‘दर्शकले मनपराएको ।’ किनकि, फिल्म दर्शकका खातिर बनाइन्छ । दर्शकले मन पराएनन् भने फिल्म सफल हुने कुरै आउँदैन । र, फिल्म भनेको निर्देशकको सोचअनुरुप बन्छ । निर्देशकले कामप्रति लापरवाही वा खेलाची गरे फिल्म बन्नु र नबन्नुको औचित्य रहँदैन । यसैले त निर्देशकलाई फिल्मको ‘क्याप्टेन अफ द सिप’ भनिन्छ ।

निर्देशक प्रदीप भट्टराईलाई हिट मेशिन भन्दा अब अतिशयोक्ति नहोला । पहिलो फिल्म ‘जात्रा’बाट निर्देशनमा डेब्यू गरेका उनले ‘शत्रु गते’, ‘जात्रै जात्रा’ र प्रदर्शनरत ‘महापुरुष’ गरी चारवटा ब्लकबस्टर फिल्म दिइसकेका छन् । र, यी चारवटै फिल्मले प्रदर्शनको ५१औं दिन मनाएका छन् । अब प्रदीप पाँचौं फिल्मको तयारीमा जुटेका छन् । उनले ‘जात्रा’को तेस्रो सिक्वेल बनाउन लागेका हुन् ।

भट्टराईको लेखन तथा निर्देशन र रविन्द्र सिंह बानियाँको निर्माणमा फिल्म ‘महाजात्रा’ बन्न लागेको हो । यसै साता चलचित्र विकास बोर्डमा फिल्मको नाम दर्ता गराइएको छ । बोर्डबाट फिल्म निर्माणको इजाजतपत्र लिँदा निर्देशक, निर्माता, लेखक र कलाकारको नाम अनिवार्य खुलाउनु पर्ने नियमअनुरुप कलाकारमा निर्माण टिमले ‘महापुरुष’की अभिनेत्री अञ्जना बराइलीको नाम राखेको छ ।

‘जात्रा’को अघिल्ला दुई सिरिजमा अभिनेत्री वर्षा राउतको मुख्य भूमिका थियो । तेस्रो सिरिज दर्ता गर्दा अञ्जनाको नाम राखिएपछि उनले वर्षालाई रिप्लेस गरेको चर्चा चलेको छ । यद्यपि, यसबारेमा निर्माण टिमले केही खुलाएको छैन । स्रोतका अनुसार, बोर्डमा नाम दर्ता गर्दा कलाकार खुलाउनुपर्ने भएकाले मात्र अञ्जनाको नाम राखिएको हो । तर, फिल्ममा उनी हुने वा नहुने अनिश्चित छ ।

‘महापुरुष’बाट डेब्यू गरेकी अञ्जनाले अभिनयमा राम्रो सम्भावना देखाएकी छन् । तर, फिल्ममा नाम चलेका कलाकारहरुको ठूलो जत्था रहेकाले उनको खासै चर्चा हुन सकेन । ‘महाजात्रा’मा दुई/तीनजना अभिनेत्री रहने भएकाले अञ्जनाको सम्भावना पनि बलियो रहेको निकट स्रोत बताउँछ । यस फिल्ममा ‘जात्रा’ सिरिजका विपिन कार्की, रविन्द्र सिंह बानियाँ, रविन्द्र झा दोहोरिने पक्का छ ।

तर, फिल्म सफल भएपछि त्यसको श्रेय कलाकारलाई बढी जान्छ । किनभने, उनीहरु पर्दामा देखिन्छन् । तर, वास्तवमा यसको हकदार कलाकारभन्दा निर्देशक हुन्छ । फिल्मको सफलताको हकदार कलाकार नहुने भन्ने चाहिँ होइन तर निर्देशक बराबर पनि होइन । नेपालमा केही यस्ता निर्देशक छन्, जसले कलाकारभन्दा बढी सफलताको श्रेय पाउँछन् । त्यसमा पर्छन्, प्रदीप भट्टराई ।

Leave a Reply

Your email address will not be published. Required fields are marked *