न्यायको लडाई जितेर निर्दोष साबित भएका पललाई ज्ञानेन्द्र शाहीले दिए बधाई, हजारौ लाइकको ओइरो

न्यायको लडाई जितेर निर्दोष साबित भएका पललाई ज्ञानेन्द्र शाहीले दिए बधाई, हजारौ लाइकको ओइरो

मनोरञ्जन

Sharing is caring!

काठमाडौं । अभिनेता पल शाह निर्दोष भएसँगै अभियान्ता एवं राप्रपाका सांसद ज्ञानेन्द्र शाहीले बधाई दिएका छन् । उनका बधाईका शब्दमा केही घण्टामा नै हज्जारौ लाईकको ओइरो लागेको छ । ज्ञानेन्द्रले लेखेका छन्- आज पल शाहलाई तनहुँ जिल्ला अदालतले निर्दोष साबित गरेको छ । आज अत्यन्तै खुशी भएको छु। एउटा न्यायको लडाई जित्नु भएको छ । हार्दिक बधाई तथा शुभकामना !

अभिनेता शाहलाई तनहुँ अदालतबाट सफाइ- नाबालिगमाथि जबर्जस्ती करणीको अभियोगमा तनहुँ कारागारमा थुनामा रहेका अभिनेता पूर्णविक्रम शाह (पल शाह)लाई तनहुँ जिल्ला अदालतले सफाइ दिएको छ । बालिका बालात्कर अभियोगमा निर्दोष साबित भएका हुन् ।

जिल्ला न्यायाधीश कोमलप्रसाद आचार्यको एकल इजलासले अभियोग दाबी नपुग्ने ठहर गर्दै अभिनेता शाहलाई सफाइ दिएको हो । शाहविरुद्धको सुनुवाइमा अदालतले अभियोग दाबी नपुग्ने फैसला सुनाएको तनहुँ जिल्ला अदालतका श्रेस्तेदार मीनबहादुर कुँवरले जानकारी दिनुभयो ।

“तनहुँ जिल्ला अदालतमा दर्ता भएको शाहविरुद्धको मुद्दामा अदालतले सफाइ दिने फैसला सुनाएको छ”, उहाँले भन्नुभयो, “फैसलाउपर चित्त नबुझे पीडित पक्षलाई पुनरावेदन जाने छुट छ ।” अभिनेता शाहविरुद्धको मुद्दाको पेशी तनहुँ जिल्ला अदालतमा पटकपटक तोकिएर स्थगित हुँदै आएको थियो । उक्त मुद्दाको अन्तिम सुनुवाइमा आज वरिष्ठ अधिवक्ता कमलामोहन वाग्ले, परशुराम गिरी, कृष्णबहादुर थापा र अधिवक्ता भानुभक्त सुवेदीले बहस गर्नुभएको थियो ।

Leave a Reply

Your email address will not be published. Required fields are marked *