प्रियंका चोपडालाई बलिउडमा देसी गर्ल भनेर पनि चिनिन्छ । आज प्रियंकाले आफ्नो मिहिनेतका आधारमा अन्तर्राष्ट्रिय स्तरमा पहिचान बनाएकी छिन् । प्रियंका पति निक जोनस र छोरी मालतीसँग अमेरिकामा सुखी जीवन बिताइरहेका छन् । आजकल अभिनेत्री आफ्नो व्यक्तिगत जीवन र व्यावसायिक जीवनमा सफल भए पनि एक समय आफ्नो जीवनबाट यति निराश थिइन् कि उनले जिवन त्याग्ने प्रयास गरेकी थिइन् ।
हो, प्रियंकाले आफ्नो संघर्षका दिनहरूमा जिवन त्याग्ने प्रयास गरेकी थिइन् । जसको खुलासा प्रियंकाका पूर्व प्रबन्धक प्रकाश जाजुले नै गरेका छन् । धेरै वर्ष पहिले, प्रकाश जाजुले ट्विटरमा धेरै ट्वीट गरेका थिए, जसमा उनले प्रियंकाको आत्महत्या प्रयासको बारेमा कुरा गरेका थिए। उनले लेखेका छन्, ‘आज निकै बलियो देखिएकी प्रियंकाले विगतमा २–३ पटक जिवन त्याग्ने प्रयास गरेकी थिइन् र मैले उनलाई रोकेको थिएँ। प्रियंका र उनका पूर्व प्रेमी असीम मर्चेन्टबीच धेरै झगडा हुन्थ्यो । मध्यरातमा प्रियंकाले मलाई कयौं पटक फोन गरिन् ।
उनले थप लेखेका छन्, – एक पटक असिमसँग झगडा भएपछि प्रियंका ड्राइभको लागि मुम्बईको वसई क्षेत्रमा आइन् र त्यहाँ आत्महत्या गर्ने प्रयास गरेकी थिइन्। प्रियंका असिमकी आमासँग निकै नजिक भए पनि सन् २००२ मा असिमकी आमाको मृत्युपछि प्रियंका वसईमा थिइन् । भवनबाट हाम फालेर आत्महत्या गर्ने प्रयास गरेपछि उक्त फ्ल्याटको झ्यालमा फलामको ग्रिल नबसेसम्म प्रियंकालाई कुर्सीमा बाँधेर राखिएको थियो ।
