वर्षको सुरुमा रिलिज भएको शाहरुख खान स्टारर फिल्म पठानले बक्स अफिसमा उत्कृष्ट कलेक्सन गरेको थियो । चलचित्रले दर्शकबाट निकै राम्रो प्रतिक्रिया पनि पाएको छ । तर, यो फिल्ममा सलमान खानको प्रवेशले निकै चर्चा मच्चाएको थियो । अब एकजना पत्रकारले फिल्मको सफलताको श्रेय सलमान खानलाई दिन खोज्दा भाइजानले उनलाई रोके ।
सलमानले यो फिल्मको सफलताको श्रेय शाहरुख खानबाट कसैले लिन नसक्ने बताए । उनले फिल्मको सफलताको श्रेय आदित्य चोपडालाई पनि दिए ।‘आप की अदालत’ मा पठान सुपरहिट भएकोमा रजत शर्माले सलमान खानलाई श्रेय दिन खोज्दा सलमान खानले उनलाई बीचमै काटे । रजत शर्माले प्रश्न गरे, सलमानले पठानलाई हान्यो भने। यो प्रश्नलाई काट्दै सलमानले भने, ‘बिल्कुल होइन, बिल्कुल होइन सर ।
यो श्रेय शाहरुख खानबाट कसैले खोस्न सक्दैन, आदित्य चोपडाबाट कसैले खोस्न सक्दैन । शाहरुखले राम्रो काम गरेका छन् । यी सबै फ्यानहरू शाहरुखको फिल्म हेर्न आतुर थिए र यो फिल्म सही समयमा, सही अवसरमा आयो। मलाई लाग्छ कि यो हिन्दी फिल्म उद्योगको सबैभन्दा ठूलो हिट हो।
