यीनै हुन खेत रोप्दा रोप्दै नाँच्न हिँडेकी अञ्जली अधिकारी अहिले यस्तो बनिन्

मनोरञ्जन

Sharing is caring!

एउटा युट्युव च्यानलमा अन्तर्वार्ता दिने क्रममा अधुरो अंग्रेजी बोलेपछि सामाजिक सञ्जाल प्रयोगकर्ताले अञ्जली अधिकारीको खिसिट्युरी गरे । जवाफमा अञ्जलीले भनिन् ‘म अरु जस्तो बोडिङ स्कुल पढेर आएको हैन । म त सरकारी स्कुल पढेकी चप्पल नलगाई खेत रोपेकी मान्छे । मलाई अंग्रेजी आउदैन । पछिल्लो समय व्यस्त मोडलका रुपमा चिनिने अञ्जली बेला बेलामा चर्चामा आउछिन् ।

युट्युब अन्तर्वार्तालाई विषेश महत्व दिने अञ्जलीलाई युट्युव च्यानलले चर्चामा पुर्याउन मात्रै हैन, खुइल्याउन पनि भुमिका निर्वाह गरेका छन् । सयौं गीतका भिडियोमा मोडलिङ गरेकी अञ्जली प्रकाश सपुतको ‘बोलमाया’ बोलको गीतमा अभिनयपछि चर्चामा आएकी थिइन् । उनको व्यस्तता अहिले पनि उत्तिकै छन् ।

अञ्जली अधिकारी नाम जस्ले सुनेको छैन उस्ले पक्कै पनि नेपाली लोकदोहोरी गीत सुन्दैन भनेर ठोकुवा गरे हुन्छ । अञ्जली अधिकारी बर्दियाको मैना पोखरी स्कुलमा पढ्ने गर्थिन् । त्यति बेलाको समयमा बर्दियामा महोत्सव आयोजना हुने कुरा आयो । उक्त महोत्सवमा बद्री पंगेनी शङ्कर बिसी पशुपति शर्मा लगायतका कलाकारहरू उपस्थित भएका थिए । सानै देखी नाच्न भनेपछी हुरुक्कै हुने अञ्जली अधिकारी बर्दियाको महोत्सव सम्म पुगिन् ।

त्यति बेला गीत गाउने पालो गायक बद्री पंगेनीको आयो । पंगेनीले हातमा माइक समातेर भने जब सम्म गीत गाउँछु त्यो बेलासम्म नाच्नेलाई पुरस्कार दिनेछु। बद्रीले गीत गाउन सुरु गरे । अन्जली लगायतका धेरै सहभागी पुरस्कारको लागि नाच्न थाले । बद्रीले लगातार एकपछि अर्को गीत गाउँदै गए अरु सहभागीहरु थाके । तर अञ्जलीले अन्त्यसम्म नाचिरहिन् र ५ सय पुरस्कार पाइन् ।

त्यही मौकामा उनले बद्रीलाई आफ्नो नृत्यमा रुची हुनुका साथै म्युजिक भिडियो तथा चलचित्र खेल्ने रहर लागेको बताइन् । बद्रीले हुन्छ भन्ने आश्वसन त्यही कार्यक्रम दिएका थिए । कलाकार बन्ने ठुलो समपना बोकेर त्यही अनुरुप एसएलसीपछि भागेर काठमाडौं पुगिन । पढ्दा शिक्षक र साथीहरुले अन्जलीको नृत्यको प्रशंसा गर्थे तर परिवारमा आमाको मात्र समर्थन थियो । बुबा र दाइ म नाचेको पटक्कै मन पराउनु हुन्नथ्यो उनी सम्झन्छिन् ।

उनी काठमान्डौ पुगेर बद्री पंगेनीलाई सम्पर्क गरेपछि उनकै निरमाया दोहोरी साँझमा काम पाइन् । उनी भन्छिन् हिराले हिरा चिन्छ रे । उहाँले मेरो प्रतिभालाई चिन्नुभयो । भिडियो खेल्न घरबाट भागेकी अन्जली दोहोरी साँझमा नाच्न थालिन् । दोहोरी साँझमा काम गरेको भनेर नराम्रो नजरले हेर्ने अप्ठ्यारो पनि झेलिन् । तर दोहोरी साँझ नै उनका लागि नृत्य सिक्ने पाठशाला बनिदियो । एकवर्ष काम गरेपछि बद्रिले एउटा गीतमा मोडलिङ गर्ने अवसर दिए ।

बद्री र मिरा गिरीको स्वरमा रहेको खर बारीमा बोलको गीतमा अञ्जली पहिलो पटक देखिइन् । त्यो समय बद्री पंगेनीको गीतबाट डेब्यू गर्नु पनि उनको लागि ठुलो सफलता थियो । पहिलो भिडियोमा आफ्ना कमजोरी अञ्जलीले महशुस गरिन् । स्टेज र क्यामेरामा नाच्च फरक रहेछ अन्जली भन्छिन्, आफ्नो कमजोरी आफैं पत्ता लगाएर सुधार्न थालेँ । बद्री पंगेनीले लगातार तिन पटक मौका दिएपछि अन्जलीलाई भिडियोमा अफर आउन थाल्यो ।

पशुपति शर्मा र सम्झना भण्डारीको तीज गीत मेरो माया बसेको ठाउँमा’मा अभिनय गरेपछि उनलाई दर्शकले चिन्न थाले । बोल मायाबाट व्यापकता अञ्जलीले काम गरेको करिब २०० भन्दा बढि भिडियोमध्ये आधामा प्रकाश सपुत पनि थिए । अन्जली जस्तै भिडियो मोडलिङमा जम्न खोजिरहेका प्रकाशले आफैं गीत लेखेर भिडियोका लागि मोडलहरुलाई अफर गरे तर धेरैले अस्विकार गरे । त्यसपछि उनले अञ्जलीलाई सम्झिए ।
त्यसबेला गाउँ पुगेकी अञ्जलीले गीत पठाउन भनिन् । घरमा त्यो गीत बजाउँदा बुबाआमासहित सबैले मन पराए । गीत मार्मिक थियो । त्योबेलासम्म बुबा र दाजुले पनि अञ्जलीको रुचीलाई सकारिसकेका थिए । उनले कोठामा एक्लै बसेर गीत बजाइन् र बेस्सरी रोइन् ।गीतमा डुबेर रोएपछि उनलाई लाग्यो म यो गीत गर्न सक्छु ।त्यसपछि उनले प्रकाशलाई फोन गरिन् दाइ म यो भिडियो गर्छु । सारङ्गी रेटेर गीत गाएको सुटिङ सुरु हुँदै थियो ।

गाउँका धेरै मान्छे रमिता हेरिरहेका थिए । गीत बज्न थालेपछि सबैको आखाँ रसाए । अञ्जली र प्रकाशको पालोमा रोमान्टिक सिनहरु खिचियो । अन्जलीमा गर्न सक्छु सक्दिन भन्ने डर बढ्यो ।सिन खिच्न सुरु भयो । जब गीत बज्यो अञ्जलीमा भूत चडेजस्तो भयो । उनले साँच्चीकै रुदै सिन दिइन् जुन भिडियोमा आवश्यक थियो । साँच्चै रोएपनि मिलेको छ वा छैन् भन्ने डर थियो । सुटिङ सकियो सबैको मुहारमा चमक थियो ।

तर अन्जली खुसी हुन सकिरहेकी थिइनन् । जब भिडियो हेरिन् आफ्नो काम राम्रो पाइन् । अञ्जलीले अभिनय गरेको बोल माया को भिडियो सार्वजनिक हुन ६ महिना लाग्यो । तर सम्पादनपछि तयार भएको गीत सार्वजनिक कार्यक्रममा कसैको पनि आँखा ओभानो रहेन । युट्युबमा भिडियो आएपछि तुरुन्तै ट्रेण्डिङमा पर्‍यो । धेरैले गीतमा आफ्नो कथाब्यथा पाए । सामाजिक सञ्जालमा गीत भाइरल भयो ।

आम नेपाली दर्शकहरुको मनमा बस्न सफल भयो त्यसपछि अञ्जलीको लागि कामको ओइरो आउन थाल्यो। बोल माया बोलको गीतले पाएको सफलतासँगै अञ्जलीको करियरले पनि ठूलो फड्का मार्‍यो । अहिले उनलाई परिवारको पनि राम्रो साथ अनि माया रहेको छ । अहिले अञ्जलीले अभिनय गरेको भिडियो छोरीले भन्दा पहिला सामाजिक सञ्जालमा उनका बाबाले खुशी भएर शेयर गरिदिन्छन् ।

गाउँटोलमा छोरीको प्रशंसा गर्दा बाबाको नाम फुलिएको छ भन्छिन्अञ्जली । त्यसपछि त अन्जलीलाइ पछि फर्किन परेन गलबन्दी गीतले त झनै सिखार्मै पुरायो। केही फरक प्रसंगमा उनले भनेका छन अहिले मेरो प्रेमीका छैन दुखी आत्मा भएको छु । छोरी मान्छेहरुलाई चान्स मार्न कसले खोज्दैन र खोजिहाल्छ नि। तर आफू सचेत हुनपर्छ त्यस्तो कुरामा ।

एकपल्ट कार्यक्रममा जाँदाखेरी आयोजकका दाइहरुले बसेर वाइन खाऊ न हुक्का तानौँ न रुमसँग पु¥याइदिउँ रु जस्ता प्रस्ताव गर्न थाल्नुभएको थियो । टचसम्म गर्न खोज्नुभएको थियो । त्यो बेलामा म अझै बच्चै थिएँ । उहाँको नियतमा समस्या देखेपछि तत्कालै शंकर बिसी दाइ लाई फोन लगाएर मलाई यस्तोयस्तो भनिराछ भनेर सुनाएँ । शंकर दाइले फोन देऊ म कुरा गर्छु भन्नुभयो ।

लास्टै झपार्दिनुभएछ। त्यस पछि चुप लाग्यो । त्यसैले म सधैँ भन्छु सहेर बस्नुहुन्न । कि आफैँले प्रतिकार गर्नुपर्छ आफैँ सकिँदैन भने सिनियर दाइहरुलाई तत्कालै सुनाएर भए पनि एक्सन लिनुपर्छ । अनलाईन खबरको सहयोगमा बिभिन्न अनलाईनमा प्रकाशित भएको

चर्चित हास्य कलाकार भारती सिंह काममा फर्केकी छिन् ।

अप्रिल ३ मा छोरालाई जन्म दिएकी उनी काममा फर्केकी हुन् ।

भारती छोरा डेलिभरी भएको १२ दिनपछि काममा फर्किइन् ।

हालै सामाजिक सञ्जालमा भारतीको एउटा भिडियो भाइरल भइरहेको छ, जसमा उनी आफ्नो कामको प्रतिबद्धताको बारेमा कुरा गरिरहेकी छिन् ।

भारतीले भनिन्, ‘मेरो छोरा १२ दिनको मात्रै भएको छ, तर केही कामका प्रतिबद्धता छन्, जुन पूरा गर्नुपर्छ ।’ भारती डेलिभरी भएको १२ दिनपछि हुनरबाजको सेटमा फर्केकी हुन् ।

सामाजिक सञ्जालमा उनको तारिफ भइरहेको छ । विश्वभरी नै सुत्केरी भएपछि लामो दिनसम्म विदा बस्ने चलन छ ।

नेपालमा समेत ९० दिनसम्म विदा दिने प्रक्रिया छ । तीन महिनासम्म बच्चा जन्माएपछि महिला कमजोर हुन्छन् । उनीहरुले विदा मनाउँनुपर्छ भन्ने आम धारणा छ । तर यो धारणा समेत भारतीले तोडेकी छिन् ।

उनले महिलाहरु बच्चा जन्माए लगत्तै काम गर्न सक्छन् भन्ने सन्देश दिएकी छिन् । उनको यो सन्देश दुनियाँभरी नै प्रेरणाको स्रोतको रुपमा लिइएको छ ।

Leave a Reply

Your email address will not be published.