काठमाडौंका घरजग्गामा बालेनले लागू गरे नयाँ नियम

समाचार

Sharing is caring!

काठमाडौं । काठमाडौं महानगरमा ईन्ट्री भएका दिन देखि मेयर बालेन साह चर्चामा छन् । उनले पछिल्लो १ महिनाको अवधिमा धेरै निर्णय मात्रै गरेनन् केही निर्णय कार्यान्वयन समेत गरिसकेका छन् ।

यसैबीच, २०७८ असार मसान्तभित्र ७५ वर्ष पूरा भएका काठमाडौं महानगरपालिकाका ज्येष्ठ नागरिकलाई मेयर विशेष भत्ताबापत वार्षिक १२ हजार उपलब्ध गराइने भएको छ ।

आइतबार महानगरको नीति तथा कार्यक्रम पेश गर्दै काठमाडौं महानगरका प्रमुख ९मेयर० बालेन्द्र शाह ९बालेन० ले असार मसान्तभित्र ७५ वर्ष पुगेका ज्येष्ठ नागरिकलाई वार्षिक १२ हजार मेयर विशेष भत्ताबापत उपलब्ध गराइने बताएका हुन् ।

नीति तथा कार्यक्रमभित्र नेपाल भाषा, संस्कृतिको अध्ययन गर्ने उद्धेश्यले महानगरको स्वामित्वमा रहेको २२ नम्बर वडामा रहेको धर्मपथको जग्गा सांस्कृतिक कार्यक्रमका लागि सुरु गरिएको उल्लेख छ ।

यस्तै, काठमाडौं महानगरभित्र बिग्रेका ढल, बाटोघाटोको थप क्षति हुन नदिन र थप मर्मत सम्भारका लागि आवश्यक उपकरण सामग्री र पूर्वाधार एम्बुलेन्स सञ्चालनमा ल्याइएको छ ।

काष्ठमण्डप पुनर्निमाण सम्पन्न भएको छ । कमलपोखरीको सुन्दरता र पुनर्निमाण कार्य सम्पन्न भई दोस्रो चरणको डिजाइनको प्रारम्भिक कार्यको सुरुवात भएको छ ।

महानगरभित्र रहेका सार्वजनिक जग्गामा २५ वडा पार्क निर्माण भइसकेका छन् भने २२ वटा पार्क निर्माणाधिन रहेका छन् । विद्यालय शिक्षाको गुणस्तर बढाउन विज्ञहरु रहेको महानगर विद्यालय सुधार योजना तर्जुमा गर्ने भएको छ ।

यस्तै काठमाडौं महानगरपालिकाभित्र घर भाडासम्बन्धी काम अबदेखि कम्पनीमार्फत मात्रै हुने भएको छ। मेयर बालेन्द्र शाहले आगामी आवको नीति तथा कार्यक्रममार्फत उक्त व्यवस्था गरिने जानकारी दिएका हुन्।

उनले नीति तथा कार्यक्रम सार्वजनिक गर्दै घरजग्गा बहाल कम्पनीमार्फत मात्रै हुने व्यवस्था हुने बताए। संघीय सरकारले समेत घरजग्गा बिक्रीवितरण कम्पनीमार्फत गर्ने नीति लिएको छ। मेयर शाहले घरजग्गा भाडालाई व्यवस्थित गर्न सो नीति अपनाएका हुन्।

Leave a Reply

Your email address will not be published.