असार १६, काठमाडौं – नेकपा एमालेको विवाद हल हुने छाँटकाँटमा पुगेको छ। एमालेका अध्यक्ष केपी शर्मा ओली पूनः एमालेलाई एक बनाउन लागेको देखिएको छ।
images
images
राजनीतिमा आफु पनि सिद्धिने डर बढेपछि ओलीले माधव नेपाल समुहलाई एमालेमै रहेर काम गर्ने वातावरण सृजना गर्न लागेको बताइएको छ। नेकपा (एमाले)को दशौँ राष्ट्रिय महाधिवेशन आयोजक कमिटीको बैठक आज बस्दै छ।
बालुवाटारमा बिहान ११ बजे बस्ने बैठकले राष्ट्रिय महाधिवेशन आयोजक कमिटीलाई केन्द्रीय कमिटीमा रुपान्तरण गर्ने बताइएको छ। आयोजक कमिटी माधव नेपाल–झलनाथ खनाल पक्षले माग गर्दै आएको २०७५ जेठ २ गतेको केन्द्रीय कमिटीमा रुपान्तरण हुन लागेको हो।
अब एमाले पुरानै संरचनाअनुसार सञ्चालन हुनेछ। मंगलबार बसेको एमालेको स्थायी कमिटी बैठकपछि पार्टी प्रवक्ता प्रदीप ज्ञवालीले बुधबार (आज) महाधिवेशन आयोजक कमिटी बैठक बस्ने र उक्त कमिटीलाई केन्द्रीय कमिटीमा रूपान्तरण गर्ने जानकारी दिएका थिए।
बैठकले असार १८ गते केन्द्रीय कमिटीको बैठक बोलाउने पनि तयारी गरेको ज्ञवालीले जानकारी दिए। एनका अनुसार धेरै विषय १८ गतेको केन्द्रीय कमिटीबाट टुङ्ग्याइने छ।
