बालबालिकाको यौनशोषण गर्नेलाई सार्वजनिक रुपमा फाँसी दिने प्रस्ताव संसदबाट पास

बालबालिकाको यौनशोषण गर्नेलाई सार्वजनिक रुपमा फाँसी दिने प्रस्ताव संसदबाट पास

समाचार

Sharing is caring!

इस्लामाबाद। पाकिस्तानको संसदले शुक्रबार बालबालिकाको यौन उत्पीडन गर्नेहरुलाई सार्वजनिक रुपमा फाँसी दिने प्रस्ताव पारित गरेको छ । यो प्रस्तावलाई संसदीय राज्य कार्यमन्त्री अली मोहम्मद खानले पेस गरेका थिए । सांसदहरुले प्रस्तावलाई बहुमतले पारित गरे ।

यद्यपि पाकिस्तान पिपुल्स पार्टीका नेता तथा पूर्व प्रधानमन्त्री राजा परवेज अशरफले भने सजायको कठोरता बढाउँदैमा अपराधमा कमी नआउने बताएका छन् । सार्वजनिक रुपमा फाँसी दिने काम संयुक्त राष्ट्रसंघको कानुन विपरित भएको भन्दै उनले यसलाई प्रचलनमा ल्याउन नहुने बताएका छन् ।

संसदमा यो प्रस्तावले ठूलो समर्थन पायो । तर, यसको विरोधमा बोल्ने परवेज अशरफ एक्लै भने थिएनन् । उनका साथै इमरान सरकारका विज्ञान तथा प्राद्योगिक मन्त्री फवाद चौधरीले पनि विधेयकको निन्दा गरेका थिए । उनले नृशंशता अपराधको जवाफ हुन नसक्ने बताएका थिए ।

Leave a Reply

Your email address will not be published. Required fields are marked *