नाफा कमाउने दाउमा जुम्लाको काँचो स्याउ विक्री

समाचार

Sharing is caring!





जुम्लाको काँचो स्याउ नेपालका विभिन्न बजारमा पुगेको पाइएको छ । नाफा कमाउने दाउमा किसान र व्यापारीको मिलेमतोमा नपाक्दै जुम्लाको काँचो स्याउ नेपालका विभन्न बजारमा पुगेको हो ।

भदौ १५ गते भन्दा अघि स्याउ नटिप्न कृषि विज्ञ देखि यहाँका स्थानीय तहले समेत सूचित गराइसकेका छन् । तर पछि मुल्य नपाइने भन्दै जुम्ली किसान र व्यापारीले जुम्लाको काँचो स्याउ बेच्न थालेका छन् । कर्णाली प्रदेशको राजधानी सुर्खेतका गल्ली गल्ली र चोक चोक तथा फलफूल मण्डीहरुमा जुम्लाको काँचो स्याउ विक्रिका लागि राखिएको छन् । त्यस्तै काठमाडौं, नेपालगन्ज, धनगढी, विराटनगर लगायतका जिल्लामा समेत जुम्ली काँचो स्याउ पुगेको छ ।

यसले जुम्लाको पहिचानसँग जोडिएको जुम्ली अर्गानिक स्याउको पहिचान गुम्ने समेत खतरा बढेको कृषि विज्ञ बताउँछन् । जुम्लामा भदौ १५ गतेभन्दा अघि स्याउ टिप्न कसैलाई पनि छुट छैन् । जिल्ला कृषि विकास कार्यालय जुम्लाका प्रमुख गणेश अधिकारीका अनुसार साउन पहिलो साता जिल्लामा गोष्ठी गरेर काँचो स्याउ नटिप्न किसान व्यापारीलाई सूचित गराइएको छ। पछि उपयुक्त मुल्य र बजार नपाउने डरले किसानले काँचो स्याउ बजार पठाउन थालेका हुन् ।




Leave a Reply

Your email address will not be published.