युवा पुस्तालाई राजनीतिमा अग्रसर गराउनुपर्छ : महामन्त्री थापा

समाचार

Sharing is caring!





नेपाली काँग्रेसका महामन्त्री गगन कुमार थापाले युवा पुस्तालाई राजनीतिमा अग्रसर गराउन आवश्यक रहेको बताएका छन् । काठमाडौं महानगरपालिका वडा–८ द्वारा आयोजित क्रियाशिल सदस्यहरूसँग अन्तरक्रिया कार्यक्रममा उनले युवा पुस्तालाई राजनीतिमा अग्रसर गराउनुपर्ने बताएका हुन् ।

यसका लागि पार्टीका सम्पूर्ण भ्रातृ संगठनलाई चुस्तदुरुस्त रूपमा अगाडि बढाउनु पर्ने महामन्त्री थापाको भनाइ छ ।  आगामी संसदीय निर्वाचन लक्षित गरि भ्रातृ संगठनहरुलाई अगाडि बढाउन आवश्यक रहेको थापाले  बताए । यस्तै उनले संसदमा चलिरहेको जल्दाबल्दा विषयवस्तुप्रति काँग्रेसले आफ्नो पार्टीगत धारणा बनाउने बताए ।

यता काठमाडौं महानगरपालिका वडा–८ का अध्यक्ष आशामान संगतले फोहोरमाथि महानगरभित्रै राजनीति भइरहेको बताए । ‘फोहोरमाथि महानगर भित्रै राजनीति भइरहेको छ । सरकारले नै फोहोर व्यवस्थापनमा अग्रणी भूमिका खेल्नुपर्ने हो’, संगतले भने ।

काँग्रेसका बागमती प्रदेश सभा सदस्य नरोत्तम वैद्यले नेतृत्वले पार्टीभित्रै फरक मत राख्ने नेता र कार्यकर्ताहरूलाई समेट्दै अगाडि बढ्न आग्रह गरे ।




Leave a Reply

Your email address will not be published.