» डोटी भूकम्प : शोकमा डुब्यो गैरागाउँ

» डोटी भूकम्प : शोकमा डुब्यो गैरागाउँ

समाचार

Sharing is caring!

डोटी – डोटीको पूर्वीचौकी गाउँपालिका–३ गैरागाउँमा गएराति गएको भूकम्पमा परि ६ जनाको ज्यान गएपछि पूरै गाउँ शोकमा डुबेको छ । गैरागाउँमा धान तथा दलहनबाली भित्र्याउने काम चलिरहेको थियो । त्यसैमाथि चुनावी चहलपहल । यही समयमा ६ जनाको ज्यान जाने गरि आएको भूकम्पले अहिले गैरागाउँमा रुवाबासी चलेको छ ।

राति गाउँमा सबै सुतेको बेला भूकम्प आउँदा मानवीयसहित धनजनको क्षति भएको स्थानीयवासी धनबहादुर विष्टले बताउनुभयो ।

‘हामी त मस्त निन्द्रामा थियौँ, भूकम्प आयो, हाम्रो ठाउँमा निकै ठूलो क्षति पुर्‍याएको छ’, उहाँले भन्नुभयो, ‘मानवीय क्षतिसहित आठ घर भत्किएका छन्, रातभरि घरबाहिर खेतमा आगो बालेर बितायौँ, हामीलाई ठूलो विपद् आइलाग्याे ।’


Leave a Reply

Your email address will not be published. Required fields are marked *