मतदाता शिक्षामा जोड दिन थाले बझाङका राजनीतिक दलहरु – Satyapati

मतदाता शिक्षामा जोड दिन थाले बझाङका राजनीतिक दलहरु – Satyapati

समाचार

Sharing is caring!

स्थानिय तह निर्वाचनमा धेरै मत बदरको समाचार सुनेका बझाङका राजनीतिक दलले अहिले बझाङमा मतदाता शिक्षालाई जोड दिन थालेका छन् ।

आउँदो मंसिर ४ गते हुने प्रतिनिधि सभा तथा प्रदेश सभा सदस्य निर्वाचनका लागि बझाङमा राजनीतिक दलहरु नै आफैं मतदाता शिक्षामा जोड दिन लागेका हुन । प्रतिनिधि सभा तथा प्रदेश सभा सदस्य निर्वाचनका लागि बझाङका राजनीतिक दलहरु चुनावी प्रचार प्रसारमा समेत उत्सापूर्वक रुपमा जुटेका छन ।

राजनीतिक दलहरु अहिले निर्वाचन लक्षित अभियानलाई लिएर गाउँ गाउँमा मतदाता भेटघाटलाई तीव्रता दिएका छन । नेकपा एमालेले चुनावी अभियान अन्तरगत मतदाता शिक्षा र नमुना मतपत्र लिएर मतदाताको घरदैलोमै पुगेको छ ।

पार्टीका जिल्ला कमिटी अध्यक्ष दमन भण्डारीले मतदाताहरुले निर्वाचनको महत्व, आवश्यकतालाई राम्ररी बुझून र मतदान गर्दा नविगारुन भन्ने हेतुले मतदाता शिक्षामा जोड दिइएको बताए ।

यसका साथै एमालेले जनगर्विय संघसंगठनहरुको सम्मेलन, बैठकसमेत जारी राखिएको छ । अध्यक्ष भण्डारीले भने, ‘जिल्लाका दशवटा गाउँपालिका र दुईवटा नगरपालिकामा अभियान तीव्र पारिएको छ ।’

‘त्यसैगरी गठबन्धन दलले चुनावी अभियान अन्तरगत वडातहमा पुगेर घरदैलो कार्यक्रमलाई प्राथमिकता दिएको जनाएको छ । नेपाली कांग्रेस बझाङका पुर्वपार्टी सभापती हर्कजंङ बहादुर सिंहले निर्वाचनको महत्व बुझाउन र जनताको मन जित्न वडातहका मतदातासँगको घरदैलो कार्यक्रम भैरहेको बताए ।

उनले स्थानीय संगठनहरुलाई सक्रिया पार्दै जनताबीच चुनावी प्रचारका काम भइरहेको समेत बताए । साथै मतदाताहरुको समस्याको पहिचान गरी संस्थागत गर्ने काम भइरहेको उनको भनाई छ । त्यसैगरी, गठबन्धन दल र एमाले दुबैले चुनावी अभियानमा गाउँगाउँमा प्रचार समिति गठन र सक्रिय पार्दै प्रचारको कामलाई प्राथमिकता दिएको छ ।

प्रचारको माध्यमबाट जनतामा चुनावी सन्देश प्रवाह गर्न महत्वपुर्ण पक्ष रहेकोले प्रचार समितिहरुलाई सक्रिया पारिएको नेकपा एमाले जिल्ला निर्वाचन प्रचार विभाग प्रमुख आनन्दलाल विकले बताए ।

उनले प्रचारका साथ कार्यकर्ता भेटघाट, घरदैलो कार्यक्रम र मतदाता शिक्षालाई जोड दिइएको बताए । घोषणा पत्र गाउँगाउँमा पठाउने र चुनावी प्रचारलाई अगाडी बढाउने काम समेत तीव्र रुपमा अगाडि बढाइएको प्रमुख विकको भनाई छ ।

यसका साथै अन्य पार्टीहरु पनि चुनावी अभियानमा तीव्र रुपले लागि परेका छन् । दलहरुले प्रचारप्रचारलाई व्यापक बनाउँदै मत माग्नका लागि तीव्र अभ्यास पनि गरिरहेको जनाएका छन ।

बझाङमा एमाले एक्लै चुनावी मैदानमा होमिएको छ । नेपाली कांग्रेस, नेकपा माओवादी केन्द्र र एकृकीत समाजवादीले गठबन्धन गरेर सयुक्तरुपमा चुनावी मैदानमा उत्रिएका छन् ।

गएको स्थानियतह निर्वाचनमा प्रमुख, उपप्रमुखको मत हेर्दा खसेको मतको २८.३ प्रतिशत मत बदर भएको जिल्ला निर्वाचन कार्यालय बझाङका प्रमुख विमल प्रसाद गौतमले बताए ।

Leave a Reply

Your email address will not be published. Required fields are marked *