पोहोर ८८ अर्बले घाटामा रहेको शोधानान्तर स्थिति अहिले १२ अर्ब रुपैयाँ नाफामा, वैदेशिक लगानी घट्यो

पोहोर ८८ अर्बले घाटामा रहेको शोधानान्तर स्थिति अहिले १२ अर्ब रुपैयाँ नाफामा, वैदेशिक लगानी घट्यो

समाचार

Sharing is caring!

काठमाण्डाै – चालु आर्थिक वर्षको साउनदेखि असोजसम्मको तीन महिनामा नेपालको चालु खाता ३४ अर्ब २८ करोड रुपैयाँले घाटामा रहेको छ । अघिल्लो वर्षको तीन महिनामा चालु खाता एक खर्ब ४९ अर्ब ८१ करोड रुपैयाँले घाटामा रहेको थियो ।

अमेरिकी डलरमा अघिल्लो वर्षको तीन महिनामा एक अर्ब २६ करोडले घाटामा रहेको चालु खाता यो वर्षको तीन महिनामा २७ करोडले घाटामा रहेको छ । तीन महिनामा पुँजीगत ट्रान्सफर ३४ दशमलव आठ प्रतिशतले वृद्धि भइ दुई अर्ब ५९ करोड कायम भएको छ भने खुद प्रत्यक्ष वैदेशिक लगानी आठ करोड रुपैयाँ प्राप्त भएको राष्ट्र बैंकले जनाएको छ । अघिल्लो वर्षको तीन महिनामा खुद प्रत्यक्ष वैदेशिक लगानी पाँच अर्ब सात करोड रुपैयाँ रहेको थियो ।

यस्तै तीन महिनामा शोधानान्तर स्थिति १२ अर्ब ४३ करोड रुपैयाँले बचतमा रहेको छ । अघिल्लो वर्षको तीन महिनामा शोधनान्तर स्थिति ८७ अर्ब ७१ करोडले घाटामा रहेको थियो । अमेरिकी डलरमा अघिल्लो वर्षको ७४ करोड १२ लाखले घाटामा रहेको शोधनान्तर स्थिति यो वर्ष नाै करोड १८ लाखले बचतमा रहेको छ ।


Leave a Reply

Your email address will not be published. Required fields are marked *