आफ्ना उम्मेदवारले पैसा बाँडेको पुष्टि गर्न एमालेको चुनौती

आफ्ना उम्मेदवारले पैसा बाँडेको पुष्टि गर्न एमालेको चुनौती

समाचार

Sharing is caring!

 आफ्ना उम्मेदवारहरुले मतदातालाई पैसा बाँडेको पुष्टि गर्न नेकपा एमालेले चुनौती दिएको छ । शुक्रबार साँझ पैसा बाँडेको आरोपमा काठमाडौं–५ को प्रदेशसभा ‘ख’का उम्मेदवार दीपक निरौलासहितका नेताहरु पक्राउ परेको समाचार सार्वजनिक भएपछि एक विज्ञप्ति जारी गर्दै नेकपा एमाले काठमाडौँले यस्तो चुनौती दिएको हो ।

‘कुनै तथ्य प्रमाणबिना गैरराजनीतिक कुरा गरी चरित्र हत्या गर्ने र चुनावी माहोल अन्तै मोड्ने हिसाबले यस घटना गरिएको छर्लंङ्ग छ । हामी आरोप लगाउनेहरुलाई पुष्टि गर्ने सबुद प्रमाण भए सप्रमाण आउन चुनौती दिन चाहन्छौं ।’ नेकपा एमालेको निर्वाचन परिचालन कमिटी, काठमाडौं क्षेत्र नम्बर ५की संयोजक शान्ति अधिकारीले जारी गरेको विज्ञप्तिमा उल्लेख छ ।

पाेखरेलले जारी गरेकाे  प्रेस विज्ञप्ती
नेकपा (एमाले) काठमाडौंका अध्यक्ष एवं काठमाडौं क्षेत्र नम्बर ५ (२) का प्रदेश सभा सदस्यका उम्मेदवार दीपक निरौला, बुढानिलकण्ठ नगर कमिटीका अध्यक्ष प्रदीप डंगोल आज साँझ बुढानिलकण्ठमा लामो समयदेखि क्यान्सर रोगबाट पीडित पार्टीका शुभेच्छुक तोक्मान लामाको स्वास्थ्य अबस्थाबारे जानकारी लिन गएको बेला राज्य संयन्त्रको दुरुपयोग गर्दै प्रहरी बोलाउने र पैसा बाँडेको भनी बदनाम गराउने जस्ता घृणित कार्य गरिएकोप्रति हाम्रो गम्भीर ध्यानाकर्षण भएको छ । पार्टी शुभेच्छुक समेत रहनुभएका आफ्नै छिमेकीलाई भेट्न जाँदा गरिएको यस्तो हर्कतको हामी भत्र्सना गर्न चाहन्छौं । साथै, प्रहरी प्रशासनको समेत दुरुपयोग गरिएकोमा यसको छानबिन गर्न निर्वाचन आयोगको ध्यानाकर्षण गराउन चाहन्छौं । कुनै तथ्य प्रमाणबिना गैरराजनीतिक कुरा गरी चरित्र हत्या गर्ने र चुनावी माहोल अन्तै मोड्ने हिसाबले यस घटना गरिएको छर्लंङ्ग छ । हामी आरोप लगाउनेहरुलाई पुष्टि गर्ने सबुद प्रमाण भए सप्रमाण आउन चुनौती दिन चाहन्छौं । साथै, यस्ता घृणित, अराजनीतिक र हारको मानसिकताले चरित्रहत्या गर्न रचिएको योजनाबद्ध घटनाबाट प्रभावित नहुन समस्त मतदाता, शुभचिन्तक र पार्टी कार्यकर्ताहरुमा अपील गर्न चाहन्छौं ।
शान्ति अधिकारी
संयोजक
निर्वाचन परिचालन कमिटी, काठमाडौं क्षेत्र नम्बर ५
२०७९ मंसिर २ गते


Leave a Reply

Your email address will not be published. Required fields are marked *