लगातार तेस्रो दिन पनि शेयर बजार राताम्मे, कारोबार रकम भने बढ्यो

लगातार तेस्रो दिन पनि शेयर बजार राताम्मे, कारोबार रकम भने बढ्यो

समाचार

Sharing is caring!

काठमाण्डाै – शेयर बजार लगातार तेस्रो दिन आज बुधवार पनि घटेको छ । शेयर बजार परिसूचक नेप्से आज १६ दशमलव ६१ अङ्कले घटेर एक हजार नौ सय १७ दशमलव २८ विन्दुमा झरेको छ ।

आज सबै समूहको शेयर ओरालो लागेको छ । बजार घटे पनि कारोबार रकम भने बढेको छ । दुई सय ४६ वटा कम्पनीका ८० लाख ९२ हजार कित्ता शेयर एक अर्ब ६५ करोड ४६ लाख रुपैयाँमा कारोबार भए । सबैभन्दा धेरै सानिमा बैंकको प्रमोटर शेयर ६७ करोड रुपैयाँ र शिवम् सिमेन्टको शेयर १३ करोड ८५ लाख रुपैयाँमा किनबेच भएको छ ।

आज नदीप लघुवित्तको शेयर १० प्रतिशत र ग्लोबल आईएमई बैंकको शेयर साढे नौ प्रतिशतले घटेको छ । समग्रमा बजार राताम्मे भए पनि खप्तड लघुवित्तको शेयर छ प्रतिशतले बढेको छ ।


Leave a Reply

Your email address will not be published. Required fields are marked *