गायक शंकर क्षेत्री भन्छन, टिकट क्यान्सिल नगरेको भए मेरो पनि अन्तिम दिन हुनेरहेछ (भिडियो सहित)

गायक शंकर क्षेत्री भन्छन, टिकट क्यान्सिल नगरेको भए मेरो पनि अन्तिम दिन हुनेरहेछ (भिडियो सहित)

समाचार

Sharing is caring!

काठमाडौं – आज बिहान पोखरामा भएको विमान दुर्घटनामा ज्यान घुमाउनेको सङ्ख्या ६९ पुगेको छ भने ३ जनाको अवस्था अझै अज्ञात छ । आज भएको दुर्घटना प्रति दुख व्यक्त गर्दै लोक तथा दोहोरी गायक शकर क्षेत्रीले टिकट रद्ध गर्न लगाएर आफू दुर्घटना हुनबाट जोगिएको मिडिया मार्फत बताएका छन् । त्यस्तै गायक पशुपति शर्मा र हेमन्त शर्माले पनि टिकट रद्ध गरेकै कारण दुर्घटनामा नपरेको जानकारी गराएका छन् ।

साथै सरकारले आज सार्वजनिक विदा दिएको छ । आईतबार पोखरामा भएको विमान दुर्घटनामा मृत्यु भएकाहरुको शोकमा सरकारले आज सार्वजनिक विदा दिने निर्णय गरेको हो । आईतबार चालकदलका चार सदस्यसहित ७२ जना सवार यती एयरको जहाज पोखरा क्षेत्रिय अन्तर्राष्ट्रिय विमानस्थल नजिकै सेती नदीको खोँचमा दुर्घटनामा परेको थियो ।

दुर्घटनामा परेका ६६ जनाको शव फेला परेको छ । तर ६ जना अझै बेपत्ता रहेका छन् । उनीहरुको खोजी कार्य अहिले बिहानैबाट सुरु गरिने जनाइएको छ। त्यस्तै भेटिएका मृतकको शव आफन्तलाई बुझाउने तयारी समेत भइरहेको छ । दुर्घटना लगत्तै आईतबार बसेको आकश्मिक बैठकले आज शोक विदा दिने निर्णय गरेको थियो ।

दुर्घटनामा पर्ने यतिको उक्त विमान पोखराको अन्तर्राष्ट्रिय विमानस्थलमा पहिलोपटक अवतरण गर्ने विमान थियो । उक्त विमानलाई यति एयरलाइन्सका वरिष्ठ क्याप्टेन कमल केसीले उडाएका थिए । क्याप्टेन केसी प्रशिक्षक पाइलट पनि हुन् । यही विमानबाट पोखरा अन्तर्राष्ट्रिय विमानस्थलमा पहिलो ‘डेमो’ उडान गरेका थिए । नेपालमा ७२ यात्रु क्षमताको एटिआर विमान दुर्घटना भएको यो पहिलो घटना भएको बताइएको छ ।

उक्त विमानमा चालक दलका सदस्यहरू कमल केसी, अन्जु खतिवडा सृजना होंगचुन र ओसिन आले मगर थिए । जहाजमा नेपाली ५३, भारतीय नागरिक पाँच, रसियन चार, आयरल्यान्डका एक, अस्ट्रेलियन एक, अर्जेन्टिनी एक, कोरियन दुई, फ्रान्सेली एक गरी ६८ यात्रु र चालक दलका चारसदस्य थिए । जहाज खोँचमा परेकाहरूकाले उद्धारमा कठिनाइ आएको उद्धारमा खटिएका सुरक्षाकर्मी बताउँछन् ।

Leave a Reply

Your email address will not be published. Required fields are marked *