जनप्रतिनिधिसहित थप येति जना संक्रमितको मृत्यु

जनप्रतिनिधिसहित थप येति जना संक्रमितको मृत्यु

समाचार

Sharing is caring!

काठमाडौँ- चितवनका एक जनप्रतिनिधिसहित सुनसरी, बाँके, रूपन्देहीका गरी थप ७ कोरोना संक्रमितको मृत्यु भएको छ ।

चितवनमा कोरोना संक्रमित खैरहनी नगरपालिकाका वडा नम्बर १२ का वडा सदस्य बद्रीबहादुर पाण्डेसहित दुई जनाको मृत्यु भएको छ ।

दुई दिनअघि कोरोना संक्रमण पुष्टि भएका ४१ वर्षीय पाण्डे क्यान्सर रोगबाट समेत पीडित थिए । उनी गत स्थानीय निर्वाचनमा नेपाली कांग्रेसबाट निर्वाचित भएका थिए ।

भरतपुर अस्पतालमा उपचारका क्रममा आज बिहान १:४५ बजे उनको मृत्यु भएको अस्पतालका सूचना अधिकारी लीलाधर पौडेलले जानकारी दिए ।

यसअघि, चितवनमा भरतपुर महानगरपालिका वडा नं. २० का वडाध्यक्षको कोरोना संक्रमणबाट मृत्यु भएको थियो ।

यसैगरी चितवन मेडिकल कलेजमा उपचाररत खैरहनी नगरपालिका वडा नं. ६ की ६८ वर्षीया महिलाको पनि कोरोना संक्रमणबाट मृत्यु भएको छ ।

ज्वरो, खोकी र निमोनियाको समस्या भएपछि गत असोज २४ गते अस्पताल भर्ना गरिएकी ती महिलाको आज बिहान २:०८ मा मृत्यु भएको अस्पताल प्रशासनले जनाएको छ ।

बीपी प्रतिष्ठान धरानमा पनि उपचारका क्रममा दुई संक्रमितको मृत्यु भएको छ ।

मृत्यु हुनेमा धरान– १५ का ६५ वर्षीय बृद्ध र झापा शिवसताक्षी- ११ का ५६ वर्षीय पुरूष रहेको प्रतिष्ठानका सह–प्रवक्ता डा.आशिष श्रेष्ठले जानकारी दिए ।

धरानका वृद्धलाई बुधबार संक्रमण पुष्टि भएपछि बिहीबार अस्पताल भर्ना भएका थिए । उनको शुक्रबार राति सवा ७ बजे मृत्यु भएको श्रेष्ठले बताए ।

यस्तै बिहीबार नै संक्रमण पुष्टि भएका झापाको पुरूषको राति ७:४५ बजे मृत्यु भएको श्रेष्ठले बताए । मृतक क्यान्सरपीडित रहेको उनले जानकारी दिए ।

बाँकेमा पनि थप दुई कोरोना संक्रमितको मृत्यु भएको छ ।

नेपालगञ्ज उपमहानगरपालिका वडा नं. १८ कारकाँदोका १८ बर्षीया किशोरीको उपचारको क्रममा भेरी अस्पताल नेपालगञ्जमा मृत्यु भएको छ ।

उनको शुक्रबार राति १० बजेतिर मृत्यु भएको जिल्ला जनस्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए। उनी २९ गते अस्पताल भर्ना भएकी थिइन्।

यस्तै नेपालगञ्ज उपमहानगरपालिका वडा नं. १०, भृकुटीनगर का ६१ वर्षीय पुरुषको पनि शुक्रबार राति ९ बजेतिर उपचारको क्रममा भेरी अस्पताल नेपालगञ्जमा मृत्यु भएको छ ।

श्रेष्ठका अनुसार कोरोना संक्रमण पुष्टि भएपछि उनी असोज २५ गते अस्पताल भर्ना भएका थिए।

योसँगै बाँकेमा कोरोनाबाट मृत्यु हुनेको संख्या २९ पुगेको छ। त्यस्तै, बाहिरी जिल्लाका थप १३ को पनि मृत्यु भएको छ । बाँकेमा हालसम्म कोरोनाले ४२ जनाको मृत्यु भएको छ ।

कोरोना संक्रमित गुल्मीकी ५८ वर्षीया एक महिलाको पनि बुटवलमा मृत्यु भएको छ ।

स्वास्थ्यमा समस्या भई शुक्रबार गम्भीर अवस्थामै लुम्बिनी प्रादेशिक अस्पताल ल्याइएको उनको कोरोना आईसीयूमा लैजाने क्रममा शुक्रबार साँझ साढे ६ बजे मृत्यु भएको अस्पतालका सूचना अधिकारी डा.विष्णु गौतमले जानकारी दिए ।

श्वासप्रश्वासको समस्या देखिएको उनी गुल्मीको रेसुंगा नगरपालिका–३ की बासिन्दा हुन् ।

KhabarHub बाट

Leave a Reply

Your email address will not be published. Required fields are marked *