पुण्य गौतम सिर्जना सिंहलाई सहयोग गर्न घरमै पुग्दा कुकुरले टोकेर घाइते

समाचार

Sharing is caring!

२२ वैशाख, काठमाडौं ।

काठमाडौं महानगरपालिकी मेयर उम्मेदवार सिर्जनासिंहलाई सहयोग गर्न जाँदा एकीकृत समाजवादीका नेता पुण्य गौतमलाई कुकुरले टोकेको छ।

सिंहलाई सहयोग गर्न उहाँको निवासमा आफूलाई मिटिङका बोलाइएकाले आफू त्यहाँ गएको जानकारी गौतमले दिनुभएको छ । सिंहको घरमा पालेको कुकुरले उहाँलाई टोकेको हो । कुकुरको टोकाइबाट खुट्टा र पाखुरा चोट लागेको छ ।

आफूलाई कुकुरले टोक्दा पनि मेयर उम्मेदवार सिंह र सांसद प्रकाशनमान सिंह हाँसेर बसेको गुनासो गौतमको छ ।

‘त्यहाँ कुनै मानवीय समवेदना देखिएन, बरु उहाँहरु हाँसेर भन्नुभयो–तपाई ७३औँ नम्बरमा पर्नुभयो’ गौतम भन्नुहुन्छ। आफूले रेविजविरुद्धको सुई लगाएको र अझै २ वटा सुई लगाउनु पर्ने पनि गौतमको भनाइ छ ।

उहाँले त्यसरी कुकुर छाडा छाडेर घरमा आउने पाहुनालाई आफूलाई जस्तै समस्यामा नपार्न प्रकाशमानसिंहलाई आग्रह गर्नुभएको छ ।

सामाजिक अभियन्ताका रुपमा समेत चिनिदै आउनुभएका गौतम नेकपा एकीकृत समाजवादी पार्टीका केन्द्रीय सदस्य हुनुहुन्छ।

मतदाता भन्छन्ः कसरी मत हाल्ने सिकाउन कोही आएनन्

तनहुँको व्यास नगरपालिका–२ का १८ वर्षीया एलिना कुमालले पहिलो पटक मतदान गर्दैछिन् । वैशाख ३० गते हुने स्थानीय तह निर्वाचनमा कुमालले मताधिकारको प्रयोग गर्दैछिन् ।

मतदान गर्ने दिन नजिकिँदै गर्दा कुमालमा छुट्टै उत्साह छ । “पहिलोपटक भएकाले कसरी मत हाल्ने भन्नेबारेमा केही जानकारी छैन, तर सिकेपछि मत हाल्ने तरिकाबारे जान्नेछु”, उहाँले भन्नुभयो । कुमालले स्थानीय तहमा हाम्राभन्दा पनि राम्रा उम्मेदवारले जित्नुपर्ने बताउनुभयो । “अहिले घरदैलो अभियान चलिरहेको छ, दलका भन्दा पनि राम्रा उम्मेदवारले जित्नुपर्छ”, उहाँले भन्नुभयो ।

यसपटक मतदाता शिक्षा कार्यक्रम सञ्चालन नगरिएकाले मतदातालाई मत हाल्न अलमल हुने बन्दीपुर गाउँपालिका–४ का दुर्गाविलास भट्टराईले बताउनुभयो । निर्वाचनमा राजनीतिक दलबीच गठबन्धन भएकाले मतदाता मत हाल्ने बेलामा झुक्किने भएकाले धेरै मत बदर हुनसक्ने उहाँले बताउनुभयो ।

“मत कसरी हाल्ने भनेर गाउँ–गाउँमा मतदातालाई सिकाइएको छैन, गठबन्धनका कारण मत बदर हुनसक्ने सम्भावना उत्तिकै छ”, उहाँले भन्नुभयो । गठबन्धन गरेका दलहरूले पनि मतदान गर्ने तरिकाबारे सिकाउन आवश्यक रहेको उहाँको भनाइ छ । व्यास नगरपालिका–३ का मधुमाया पौडेलले उम्मेदवार भोट माग्न घरदैलोमा आए पनि मतदान गर्नेबारेमा भने कसैले सिकाउने नगरेको बताउनुभयो । “भोट दिनुस् भन्दै आउँछन्, मतदान गर्ने तरिकाबारे पनि सिकाए मत बदर हुँदैनथ्यो होला !”, उहाँले भन्नुभयो ।

मतदातालाई मतदान गर्ने तरिकाबारे सिकाउने उद्देश्यसहित जिल्ला निर्वाचन कार्यालय तनहुँ र नेपाल पत्रकार महासङ्घ तनहुँ शाखाले नमूना मतदान कार्यक्रम ग¥यो । नमूना मतदानले मतदान प्रक्रियाबारे जानकारी गराएको र बदर मत कम गराउन सहयोग पुग्ने स्थानीयवासी कृष्णराज वाग्लेले बताउनुभयो ।

जिल्ला निर्वाचन कार्यालय तनहुँका प्रमुख हरिप्रसाद ढकालले बदर मत कम गराउन सचेतना आवश्यकता रहेको औँल्याउनुभयो । निर्वाचन आयोगले विगतका निर्वाचनमा जस्तो यसपटक मतदाता शिक्षा सञ्चालन गर्न नसकेकाले राजनीतिक दल र उम्मेदवारहरूले घरदैलोको क्रममा मतदातालाई यसबारेमा सचेत गराउनुपर्ने ढकालले बताउनुभयो ।

वैशाख ३० गते हुने स्थानीय तह निर्वाचनका लागि तयारी तीव्र पारिएको छ । कार्यालयले मतदान केन्द्रमा पठाउने सामग्री व्यवस्थापनको काम गरिरहेको छ । मतदान केन्द्रमा नियुक्त हुने कर्मचारीसँगै मतपत्र र अन्य सामग्री पठाउने तयारी गरिएको छ ।

Leave a Reply

Your email address will not be published.