मिलापत्रमा मिरुनासँग माफी मागेका फुर्वाले बोली बदले (के हो त वास्तविकता??)

समाचार

Sharing is caring!



काठमाडौं ।

कबड्डी ४ की अभिनेत्री मिरुना मगरलाई ‘ब्याड टच’को आरोप लागेर माफी मागेका बौद्ध भिक्षु फुर्वा तामाङले बोली बदलेका छन् । उनले बोली बदलेको भिडियो अहिले सामाजिक सञ्जालमा छाइरहेको छ ।

अभिनेत्री मिरुनाले चलचित्र चलाउन र आफूलाई बचाउन माफी मागिदिन रोइकराइ गरेका कारण आफूले मिलापत्रमा हस्ताक्षर गरेको बताएका छन् ।

‘१५ मिनेट पछि हामी मिलेको कापी आएन भने फिलिम बन्द गर्ने कुरा आएको मिरुनाले रुँदै बताइन् । उनले छिटो मिलापत्र गरौँ भनेपछि मलाई माया लाग्यो । केही हुँदैन होला भनेर उनलाई बचाउन मैले मिलापत्रमा हस्ताक्षर गरेँ,’ उनले भनेका छन्, ‘उनीहरूलाई पनि चलचित्र चलाउनुपर्ने थियो । चलचित्र र मिरुनालाई बचाउनलाई मैले मेरै गल्ती भएको भनेँ । मान्छेहरूले उहाँलाई धेरै गाली गरे । उहाँलाई त्यसबाट बचाउनलाई मैले माफी मागेको कागज बनाइएको हो ।’

नायिका भनेर सबैले सेल्फी खिचिरहेकाले आफू पनि मिरुनाको छेउमा गएर तस्बिर खिचेको त्यहीबेला आफूले नजानेरै उनलाई छोइएको फुर्वाले बताएका छन् ।

मिरुनाले एक्कासी गाली गर्दै पिटेपछि आफूले डराएर माफी मागेको उनको भनाइ छ ।



Leave a Reply

Your email address will not be published.