२६ माघ, काठमाडौं । नेपाल नम्बर एक अंकितमान श्रेष्ठले विश्व स्नुकर च्याम्पियनसिपको शीर्ष १६ बाट बाहिरिएका छन् ।
विश्व स्नुकर फेडेरेसनले आयोजना गरेको विश्व च्याम्पियनसिपमा पहिलो सहभागितामै नेपाली खेलाडीको यो प्रदर्शनले गौरवपूर्ण इतिहास कोरेको संघका अध्यक्ष सरोजकुमार मुल्मीले बताए ।
२६ माघ, काठमाडौं । नेपाल नम्बर एक अंकितमान श्रेष्ठले विश्व स्नुकर च्याम्पियनसिपको शीर्ष १६ बाट बाहिरिएका छन् ।
विश्व स्नुकर फेडेरेसनले आयोजना गरेको विश्व च्याम्पियनसिपमा पहिलो सहभागितामै नेपाली खेलाडीको यो प्रदर्शनले गौरवपूर्ण इतिहास कोरेको संघका अध्यक्ष सरोजकुमार मुल्मीले बताए ।
माघ १६ गतेदेखि सुरु भएको प्रतियोगिताको समूह चरणमा अंकितले पहिलो खेलमा अष्ट्रेलियाका ग्रेग जेन्किन्सलाई ३–० ले हराएर विजयी सुरुवात गरेका थिए ।
उनले समूहमा दुई जित र एक हारसहित शीर्ष स्थानमा रहेर शीर्ष ६४ मा स्थान बनाएका थिए । समूहमा अंकितले थाइल्याण्डका सिरिपापोर्न नुवान्थाखाम्जामसँग ३–० ले पराजित भए पनि अर्को खेलमा अष्ट्रेलियाकै ग्लेन विकिन्सनलाई ३–० ले नै हराएका थिए ।
शीर्ष ६४ चरणको खेलमा उनले नेपालकै अर्का खेलाडी मोती पाख्रिनलाई ४–० ले पराजित गरी शीर्ष ३२ मा प्रवेश गरेका थिए । विश्व च्याम्पियनसिपमा नेपालबाट तीन खेलाडीको सहभागिता थियो ।
अष्ट्रेलियामै रहेर व्यावसायिक स्नुकर खेलिरहेका मोतीले नेपालका लागि खेल्दा शीर्ष ६४ मा आफ्नै टिमका खेलाडीसँग प्रतिस्पर्धा गर्नुपरेको थियो । मोतीले समूह एमको उपविजेता बन्ने क्रममा चार खेलमा तीन जितको नतिजा निकालेका थिए ।
अर्का खेलाडी राजन लामाले समूह एसमा शतप्रतिशत जितका साथ समूह विजेताका रुपमा शीर्ष ६४ चरणमा प्रवेश पाएका थिए । अष्ट्रेलियाकै जोसेफ कोन्चीलाई ४–१ ले हराएर शीर्ष ३२ मा पुगेका उनी चिनियाँ खेलाडी होङ यु लिउसँग ४–० ले पराजित रहे ।
विलियार्ड स्नुकर एण्ड पुल संघका अध्यक्ष मुल्मीका अनुसार नेपालबाट पाँच खेलाडीको सहभागिता प्रयास गरे पनि आयुश गौतम र मिलन लामाको भिषा समस्याका कारण प्रतियोगिता खेल्न पाएनन् ।
नाम दर्ता भइसकेका उनीहरु क्रमश: क्यू र जी समूहमा परेका थिए । प्रतियोगिताको खेलतालिकामा उनीहरुलाई अनुपस्थित देखाइएको छ । नेपालले पहिलोपल्ट गत वर्ष इंग्ल्याण्डमा भएको विश्व च्याम्पियनसिपमा सहभागिताको प्रयास गरेको थियो ।
भिषा प्रक्रियामा भएको ढिलाइका कारण प्रतियोगिता सुरु भएको एक दिनपछि लण्डन पुगेका उनीहरुलाई खेलबाट बन्चित गरिएको थियो ।
